Sabide 10 Lui 2021, h 19:00

Kintsugi

intervents Gianpaolo Gri, Chiara Lorenzetti e Federico Rossi
al introdûs Fabio Cristante
esecuzion musicâl Mariko Masuda (violin)

Inaugurazion da la mostre cun oparis Kintsugi di Chiara Lorenzetti
La mostre e je vierte a la fin di ogni apontament di Avostanis, fin ai 22 di Avost

Feride cjapade, sanade e consacrade inestimabil, viatic par une resurezion insperade, bielece e armonie gnovis. Kintsugi e je l’antighe tecniche di restaur gjaponese che e comede robe in ceramiche cun lache misturade cun polvar di aur. Ogjets tornâts a vite gnove, e je ta la trame da lis sfresis mostradis, unichis e iripetibilis, la part plui preziose. Il non di un’art che, jenfri filosofie gjaponese e metafore ocidentâl da la viste stesse, e à dentri une polisemie di significâts ch’a van ben di là di chel leterâl di aur (“kin”) e meti adun, comedâ, dâ dongje (“tsugi”). Al è l’avignî pussibil ta la lûs da lis plais. Ancje par nô vuê.
La mostre logade ta la stale dai Colonos e propon une selezion di oparis fatis cu la tecniche dal kintsugi tradizionâl gjaponês di Chiara Lorenzetti in dialic cun oparis di Elio Caredda e ceramichis locâls “leadis”, daûr di une vecje e pragmatiche usance, cun filaments di metal.

Program Avostanis 2021