Arts visivis

I Colonos a àn simpri dedicât une atenzion speciâl a l’art. Tal 2007 chest percors al à vût une sburte plui fuarte cu la scree di un Cantîr Viert di Arts Contemporaniis, diret di Angelo Bertani, e caraterizât di une dimension antropologjiche e un rivuart atent, diversificât e continuatîf a la vivarositât artistiche dal nestri teritori.

Il tiermin “Insumian”, ch’al da il titul a la rassegne, si lu à cjapât a imprest di une poesie scrite par furlan-cjasarsês tal 1943 di Pier Paolo Pasolini, l’inteletuâl eretic ch’al veve denunciât l’ingranagjo sociâl pervers che nus puarte vie i siums e il dirit a insumiâsi: prerogative che a parten ai artiscj.