Vinars 30 Lui 2021, h 21:00

Inzirli Vertigo

piçul poeme di Angelo Floramo

leture seniche Fabiano Fantini
introduzion Angelo Floramo
intervents musicâi Arno Barzan
 Publicazion dal test (Mittelfest 2018)

Brindisi L’Aperitivo Nonino BotanicalDrink

● s’al plûf > Auditorium comunâl di Lestize

Il test al è un flus di cussience là che lis peraulis, dopradis sedi tant che significât sedi tant che musiche, a puartin a di une sensazion di malstâ, ma plene di Eros e di Bielece. A chest sintî, si dai par furlan il non di “inzirli”, ven a stâi la sensazion strane di un zirament di cjâf, dentri de idee che dut al zire tor de cussience sedi dal letôr che dal spetatôr. Il sogjet al è une misture di storie, art, paisaç, savôrs di tieris furlanis vie pai secui, tacant dal big bang cosmic fin a rivâ a vuê, e svelts tornâ indaûr a chel stes principi: in cheste “impostazion stendhaliane” – une “sindrome” furlane di une identitât dinamiche e plurâl – peraulis, imagjins, lenghis si messedin intun tartan, une trame policromatiche e psichedeliche di interogazions, che si sburte inte part plui fonde de memorie, e po dopo fûr, viers la prove evidente là che lis culturis Mediteranie, Slave e Gjermaniche a produsin, intal lôr intiessisi, il cûr de Europe.

Program Avostanis 2021