Miercus 04 Avost 2021, h 21:00

Maria Zef

film di Vittorio Cottafavi e Siro Angeli, 1981

presentazion Livio Jacob
a saran presints i protagoniscj Anna Bellina, Renata Chiappino e Maurizio Scarsini

● s’al plûf > joibe ai 5 di Avost

Tal 2019 il film al è stât consacrât tra i grancj classics da la cinematografie mondiâl intant a la 76me Mostre internazionâl dal Cine di Vignesie, dulà che ta la sezion Venezia classici e jere stade presentade la versione restaurade cu la colaborazion da la Cineteche dal Friûl. Daûr dal famôs critic francês Luc Moullet si trate di un capolavôr, “fondamentâl pal cine talian”. “Marie Zef” al jere stât zirât tal 1981 par la television e ambientât in Friûl, in prese direte e in lenghe furlane cuntune produzion da la tierce rêt taliane da la Rai cu la sede dal Friûl-Vignesie Julie. Tal 1936 il romanç omonim di Paola Drigo al jere finît sot da la censure fassiste par vie da la dramatiche e scabrose liende che si svilupave intun contest di degrât sociâl, di miserie, di alcolisim e di incest. Ma nancje il film al veve vût vite facil parcè ch’al jere stât blocât par tancj agns par la mancjance dal permès dal Ministeri da la Culture.

Program Avostanis 2021