Sabide 21 Avost 2021, h 17:00

L’art dal comedâ cu l’aur

laboratori di Kintsugi

cun Chiara Lorenzetti

cuote di partecipazion: 100 €
iscrizions: info@colonos.it

Laboratori di Kintsugi, par cognossi un’art dulà che si saldin poesie, filosofie e cerimonie dal te. Une ocasion par svicinâsi a la storie e a la filosofie di cheste tecniche nassude tal XV secul in Gjapon. In plui di une panoramiche sui materiâi e su lis tecnichis il cors al permetarà di cognossi i difarents passaçs: studi da la roture, impostazion da la justadure, ûs da la polvare di aur. Un rît cence premure. Il laboratori lu tignarà Chiara Lorenzetti, artiste e restauradore dal 1991 li da la Chiarartè, a Biele. Dopo di vê frecuentât l’Istitût par l’art e il Restaur “Palaç Spinelli” a Florence, e à imparât l’art dal kintsugi dai plui grancj mestris gjaponês, e si ocupe massime di ceramichis, cun restaurs conservatîfs e estetics. In dì di vuê e je une da lis pocjis restauradoris a doprâ la tecniche origjinâl gjaponese Kintsugi. Il laboratori, da la durade di trê oris, al cjape dentri une ceramiche, i materiâi pal lavôr da la zornade, cole e polvar simil aur.

Program Avostanis 2021