Vinars 13 Avost 2021, h 21:00

Grazie Philippe

ricuart di Philippe Daverio,
amì dai Colonos e dal Friûl

cun Elena Gregori Daverio
documents video e testemoneancis
coments musicâls Paolo Forte (armoniche)

○ prenotazions su Eventbrite.com
● s’al plûf > Auditorium comunâl di Lestize

Une serade par ricuardâ intune maniere semplice ma sincere un amì, rivât par la prime volte ai Colonos ai 3 di Setembar dal 2004 par une event di presentazion di un dai siei artiscj preferîts, Giuliano Mauri, che l’associazion culturâl e veve invidât a realizâ sul puest il sugjestîf Templi Vegjetâl. Di chê volte Daverio si è considerât un militant dai Colonos, di lui definîts plui voltis “centrâl di resistence culturâl”, consacrant une tradizion che par 16 agns un daûr chel altri lu à jodût protagonist di incuintris memorabii cuntun public di grandis ocasions. “O vevi cjatât cheste situazion dal dut no spietade, chest lûc cetant sperimentâl – parcè che ta la realtât al è un agriturisim – dulà ch’al jere un public infinît. Al jere ancjetant dificil imagjinâsi une robe dal gjenar, parvie che il Friûl lu cognòs, lu vevi frecuentât di cuant ch’o jeri frut. E l’idee che li e fos une societât cussì articolade e curiose, interessade a dibati, a fevelâ di argoments che par solit no si fevele, al jere avonde comovint”.

Program Avostanis 2021