Domenie 22 Avost 2021, h 18:30

Incrosaments

concert al tramont

corâl multietniche Canto sconfinato
 direzion Laura Scomparcini

○ prenotazions su Eventbrite.com
● s’al plûf > Auditorium comunâl di Lestize

Incrosaments di percors, progjets di vite, il savê: il progjet “Cjant cence confin” al è un percors di cognossince tra citadins vecjos e gnûfs, imigrâts e ch’a domandin asîl da la provincie di Pordenon. Musiche e cjant a son imprescj di mediazion di chest incuintri. Un percors par cirî cjants e musiche, di patrimonis destinâts dispès a restâ dome ta la memorie dai singui, ognidun protagonist da la propie storie di vite. Un percors cu la presince dai migrants come puartadôrs di culturis, di savê e di bielece, ch’a partegnin vuê al sound platât ta lis citâts dulà ch’o vivìn e al fevele al public plui larc par dimostrâ che insiemit al è miôr. I coriscj a vegnin dal Senegal, dal Ghana, da la Nigerie, dal Gambie, da la Palestine, dall’Afganistan, dal Pakistan, dal Portogal, da la Polonie, e dal 2018 a son sot la direzion di Laura Scomparcini, musiciste e diretore corâl locâl, cun strumentiscj ch’a crodin in cheste modalitât ligriose di condivision e di oposizion al razisim. (Carlo Mayer)

Program Avostanis 2021