Joibe 12 Avost 1999, h 21:00

Sdrindulaile

Lavôr di Alessandro Marinuzzi, Francesca Piazzi, Marcela Serli, Luisa Vermiglio
cun Francesca Piazzi, Marcela Serli, Luisa Vermiglio
Regjie di Alessandro Marinuzzi

Il lavôr, nassût l’an passât come ricercje dal Centro Universitario Teatrale di Triest pal festival dai Teatros universitaris di Sassari, al è lât indenant tanche work-in-progress fin a la version definitive, prontade chi dai Colonos par Avostanis ’99. L’interès par Tina Modotti e je stade la suste ch’e à fat scuvierzi lis atmosferis da lis filandis furlanis dal prin Nûfcent, dulà che Tina, ancjemò fantacine, e jere stade a vore prin di emigrâ. Al è stât l’inizi di un viaç che al puarte, framieç di cjantis, preieris, antighis leiendis e testemoneancis, in chei lûcs di vore feminins fra puaretât e emigrazion.
“Sdrindulaile” e je une nine-nane, un cjant leât al mont da lis feminis; ma il significât e il sunôr di cheste peraule al pues rivocâ il niçulament da lis nâfs che a partivin incolmis di soference e di sperance. La struture dal spetacul no ten daûr a un fîl naratîf precîs, ma si disvuluce dilunc vie di une ferade segnade dal flus dai ricuarts, cu la preponderance dal element cjantarin.

Program Avostanis 1999