Martars 07 Setembar 1999, h 20:30

Amôrs

Sot la loze cu la poesie di Pierluigi Cappello
Leturis di Giovanni Visentin e Cristina Mauro

Musichis eseguidis da Clobeda’s: Lucia Clonfero violin – Elisa D’Agostini viole – Martina Bertoni violoncel – Ivan Ordiner percussions

Regjie di Giovanni Visentin

Protagonist di Avostanis 99 pal apuntament anuâl dedicât a la poesie al è Pierluigi Cappello, un dai poetis furlans contemporanis plui creatîfs, che al scrîf sei par talian sei par furlan. Al è stât vincidôr da la sezion furlane da la ultime edizion dal premi
“Città di San Vito al Tagliamento”.
Nico Naldini, component da la zurie, al à marcât che la liriche di Cappello e je come une svintade di gnovitât, une restituzion da la lenghe furlane a une dignitât alte e plene, a une gnove musicaltât, a une inovazion di metriche e di temis. In cheste serade e ven presentade la gnove opare che e conten la ricolte complete par furlan da lis poesiis zà publicadis dutun cun chês gnovis. Lis tematichis dal amôr, dal stâ e dal lâ, da la poesie, a son tratadis cun rare finece formâl e cuntun lengaç poetic inovatîf adimplen.

Program Avostanis 1999