Lunis 02 Avost 1999, h 21:00

Sintetiche sincretiche sinapsiche

Concert di Lino Straulino e FLK

Progjet Colonos-FLK

Il gnûf progjet musical presentât di Avostanis – concert, cd e librut cui tescj – al nas dal incuintri creatîf fra la ghitare di Lino Straulin, la pene di Stiefin Montel e lis ideis dai FLK: int che di agns in ca e à savût creâ un lengaç musicâl e leterari coragjôs e madûr, che al à contribuît a rinovâ di plante fûr il panorame furlan. Cheste volte si à un incjantament vicendevul di artiscj cun lidrîs diviersis ma similis e cuntun sintî comun: il teritori, la poesie, il rispiet e la curiositât par la nature e par l’umanitât. E une reazion cuintri da la idealizazion da la margjinalitât che si ispire a un Friûl ridusût a cause/efiet, divignince/fin, medisine/malatie cjalant esclusivamentri a sè stes.
Al è saltât fûr un viaç framieç di storiis, ritrats, confessions, timidis provocazions, che a cjacarin, par furlan, di cemût che al va il mont. Par realizâ lis cjançons di chest concert Lino e Stiefin no si son mai incuintrâts personalmentri, ma si son dâts apuntament in lûcs imagjinaris evocâts volte par volte vie telefon e par letare.

Program Avostanis 1999