Martars 23 Avost 2022, h 21:00

Provis viertis di culture furlane

Progjets dal cantîr creatîf dal Friûl

Ospits
Gabriella Bucco e Matteo Mazzolini / Piero Petrucco / Graziano Tilatti / Fabien Marques e Marta Tasso / Maris Sebastian Croatto, Hamza e Giulio Ghirardini / Fabiano Fantini, Claudio Moretti, Elvio Scruzzi e Martina Delpiccolo

Presentazion di Federico Rossi e Giulio Pagotto

Serade-mosaic dedicade a progjets inedits e origjinâi, in gjestazion tal cantîr di creativitât e inovazion che mediant di chest il Friûl al cjale al doman. Il Laboratori pal gnûf Bauhaus european, ch’al promôf esperiencis-pilote fondadis su estetiche, sostignibilitât e condivision, al varà ancje lidrîs locâls. Un artist francês al à ideât il progjet partecipât Trent’anni senza Moretti, ch’al deventarà ancje un event espositîf. Une tesi di lauree in cinematografie e proponarà un docu-film cun protagonist un zovin marochin, clandestin dal nestri teritori. Une impuarante aziende furlane, ch’e opere sul marcjât internazionâl, si sta proietant tal avignî come societât benefit indotade di une mission sociâl. Al cjaparà vite un laboratori dulà che vecjos artigjans a passaran a lis gnovis gjenerazions il savê e l’inzen dal savê fâ a man. Dopo cuarante agns di ativitât, il plui popolâr grup teatrâl furlan al bute fûr un spetacul gnûf, ch’al vignarà disvelât al public dai Colonos.

Program Avostanis 2022 _ XXXI