Joibe 18 Avost 2022, h 21:00

Metûts in musiche

Il grup Braul in concert al presente l’anteprime dal gnûf CD

Nicoletta Cattaruzza armoniche
Sonia Altinier violin
Gabriella de Cesco vôs soliste e percussions
Giacomo Traina ghitare, bouzouki e vôs
Claudio Mazzer percussions, flauts, bouzouki e vôs
Andrea Gaspardo bas eletric

La idee di chest progjet musicâl e je nassude dopo che il nestri grup al veve scrit il toc “La farina dal diàul”, gjavât dal libri di Carlo Ginzburg “Il formaggio e i vermi”. E alore si sin domandâts: se di un libri e ven realizade la senegjature di un film, parcè no provâ invezit a tirâ fûr un toc musicâl?
Cence volê fermâsi a un unic filon o autôr, o vin lassât che il câs nus fasès incuintrâ scritoris e scritôrs furlans, talians e forescj ch’a vevin publicât libris sul cont da la nestre tiere o di acjadiments ch’a rivuardin i soi abitants. Cun di plui la nestre sielte e je stade influençade ancje dal incjant dai argoments tratâts e da la lôr origjinalitât. Cussì o vin cirût di dâ vôs a cualchidune da lis tantis storiis, ch’a àn contribuît a definî la nestre ricje identitât culturâl. Ancje se il Friûl al è une tiere “ai margjins”, nol è che par chest al sedi une tiere margjinâl. (Claudio Mazzer)

Program Avostanis 2022 _ XXXI