Domenie 04 Setembar 2022, h 17:30

Il sogno di una cosa

Spetacul ispirât al romanç di Pasolini
di e cun Marco Baliani
Prime esecuzion

Musichis dal vîf cun
Leo Virgili ghitare eletriche e trombon
Gabriele Cancelli trombe
Walter Grison sax
Andrea Medeot liron
Marco D’Orlando percussions

Progjet Colonos
cu la colaborazion dal Comun di San Vit dal Tiliment

Une grande conte, une narazion orâl ch’e trasforme la scriture e e da vite a lis peraulis cu la vôs e cul cuarp. Al è chest ch’o volarès fâ partint dal romanç di Pasolini, une epopee furlane che si disglagne come un araç, in chê manade di agns subit dongje di une vuere ch’e à lassât par tiere une brame infinide di justizie. O vuei rivâ a rispietâ la vision pasoliniane di chescj zovins cuarps, cuarps ch’a anticipin chei da lis borgadis romanis dai romançs sucessîfs. Achì, chescj cuarps a son ancjemò imbombîts di straneament, la tiere, la dimension contadine, la lenghe furlane,i lûcs, lis placis, i nons dai paîs, ancjemò no son stâts sbregâts da la frenesie da la ricostruzion dal dopovuere e dal inizi da l’industrializazion e a somein ancjemò puartadôrs di un sium pussibil. I lôr siums no resistaran al dopo, al avignî ch’al ven di buride ma, cjapâts in chest moment esemplâr di transizion da la vite, a speglin ancjemò dute la potence da la sperance di zovins intun cambiament ch’al è daûr a rivâ. (Marco Baliani)

………………………………………………………………………………

PRESENTAZION DAL PROGJET

Vinars ai 2 di Setembar, h 18.00
San Vît dal Tiliment _ Loze di place dal Popul

Spietant Il sogno di una cosa

Conversazion cun Marco Baliani

Program Avostanis 2022 _ XXXI