Lunis 08 Avost 2022, h 21:00

I Turcs tal Friùl

Proiezion da la version integrâl

Regjie video di Remigio Romano, cu la supervison di Elio De Capitani
Cu la colaborazion dal Teatro Elfo Puccini
Presentazion di Federico Rossi, Angelo Battel e dal regjist
Video-interviste a Elio De Capitani

Tal 1944 Pasolini al à vût scrit tal furlan-cjasarsês chest capolavôr teatrâl, restât inedit fintramai al 1976, cuant che al è stât rapresentât pa la prime volte a Vignesie cu la regjie di Rodolfo Castiglione, lis musichis di sene di Luigi Nono e lis senografiis di Luciano Ceschia.
Une repliche straordenarie curade dal regjist Elio de Capitani cu lis musichis di Giovanna Marini e mediant da la produzion da la Bienâl internazionâl di Vignesie, Teatri d’Italie e Teatri Stabil di Triest, e jere stade presentade tal curtîl dai Colonos tart tal dopomisdì dai 25 di Avost dal 1996. Dut indentri tal rît da la tragjedie greche e da la sacre rapresentazion, tal suvignî dal soresere i protagoniscj a vevin evocât, contornât di un public su la tiere nude, la memorie da la scorsade turche dal 1499. Di chel memorabil event al è stât fat un video documentari, che ta l’ocasion dai cuarant’agns da la muart di Pasolini al è stât restaurât mediant dal contribût di Rai 5, che lu à trasmetût al prin di Novembar dal 2015.

Program Avostanis 2022 _ XXXI