Joibe 20 Otubar 2022, h 18:00

A brene vierte

Gardiscje dal Lusinç
Galarie regjonâl di Art contemporanie Luigi Spazzapan


Proiezion dal video di Paolo Comuzzi

Introduzion di Lorenzo Michelli, curadôr e conservadôr da la Galarie Spazzapan
Intervents dai curadôrs Michele Bazzana e Angelo Bertani, dal regjist e dai artiscj

Si à tornât a proponi tal ambit di Avostanis, dopo di une sospension fuarçade di doi agns par cause dal Covid, la cuarte edizion di un event artistic ch’al è unic tal panorame furlan. Si trate di une gare bienâl dulà ch’a àn partecipât 18 artiscj, organizâts in sîs scuadris e dulà che ognidune e à realizât intune zornade, tai spazis dai Colonos, une opare site specific, scugnint doprâ dome i materiâi di scart disponibii sul puest. Spirt di zûc e sportîf, energjie creative e capacitât di colaborazion a son i ingredients di une esperience artistiche vive e di relazion, che ta lis edizions precedentis e à simpri vût un sucès grandonon.
Li da la Galarie Spazzapan, istituzion regjonâl impegnade ancje tal ambit da la promozion da l’art contemporanie, al vignarà presentât il document dulà che Paolo Comuzzi al contarà i moments plui impuartants di une aventure creative dutafat insolite.

Program Avostanis 2022 _ XXXI