Joibe 05 Avost 1999, h 21:00

Mâl di voe

Libar adatament par furlan gjavât fûr da “Wunschloses Unglück / Infelicità senza desideri” di Peter Handke

Par cure di e cun Fabiano Fantini e Rita Maffei

Traduzion par furlan di Fabiano Fantini
Imagjinis e proiezions di Alberto Capellani
Introduzion dal prof. Hans Kitzmüller

Progjet Colonos-Hicetnunc

Denant dal suicidi di sô mari, il scritôr carinzian Peter Handke si è sbrocât cul tornâ a meti adun mediant da la peraule, intal agâr da la memorie, chê esistence umane tormentade, une voe di vivi ofindude e ridusude a mecanisim biologjic. Il libri, dât fûr par todesc dal ’72, al è deventât dal moment un best-seller e ancjemò vuê al reste, forsit, l’opare di Handke plui preferide. I Colonos e la direzion artistiche di “Hicetnunc” di San Vît al Tiliment àn cjatât inta la storie une veretât profonde che no parten dome a la condizion di une femine, ma adiriture a chest nestri secul cu la sô dramatiche crisi di valôrs. Cussì si son dâts dongje par imbastî une produzion teatrâl par furlan, che e ven presentade ancje al Mittefest ’99 inta la suaze dai “percors furlans” metûts in vore cu la colaborazion dai Colonos. Rita Maffei e Fabiano Fantini, inta la metude in sene a crein un zûc complès di incjastri fra il presint e il passât. Lis imagjinis dai ricuarts e il ricuart da lis emozions si moltiplichin, si strambissin, si sfantin traviers dal ûs senic da la multivision e di une lenghe, il furlan, plene di fuarce espressive.

Program Avostanis 1999