Joibe 01 Setembar 2022, h 21:00

Cul futûr sot da lis ceis

Viaç tai siums da la zoventût furlane

Video-inchieste par cure di Angelo Floramo e Martina Delpiccolo
Regjie di Paolo Comuzzi
Progjet Colonos

Proiezion e intervent dai autôrs

Se l’anime malcuiete di Pier Paolo Pasolini e ves peregrinât ator tra lis perifariis e i borcs dal nestri Friûl al sarès dal sigûr tornât a cjapâ in man la cineprese e microfon par investigâ i siums, lis insigurecis, ma ancje lis rabiis e lis utopiis di chê gjenerazion che i grancj, a marchin cun altris nons: millenial, digitarian, zeta. Tal spirt dal poete di Cjasarse i Colonos a àn invecit pensât di dâur vôs a chês frutatis e a chei frutats che la societât dai grancj no scolte plui. Cuntun tai a metât strade tra inchieste e scandai antropologjic, instreçant il spirt di “Comizi d’amore” e dal “Sogno di una cosa” o vin cjapât sù une galarie vivarose di testemoneancis, metint insieme visions coloradissimis e sorprendintis dal mont vignudis fûr propit di lôr, i erêts da la Tiere, i puartadôrs sans di straneaments e maraveis, bogns di disdignâsi par cemût che i grancj a son daûr a meti in pericul il lôr avignî. Il risultât al vignarà presentât al public tal curtîl dai Colonos. Un spazi dulà che lis promessis si mantegnin simpri. E scusait s’al è pôc.
(Angelo Floramo)

Program Avostanis 2022 _ XXXI