Joibe 02 Setembar 1999, h 20:30

Il mus d’aur

“Platero e io” di Juan Ramòn Jiménez par vôs recitant e ghitare
Performance di Moni Ovadia e Emanuele Segre

Gags cul Teatro Ingenuo e cu la partecipazion straordenarie da la musse Linde
Musichis di Mario Castelnuovo Tedesco

Ancje chest an la carovane dai trê viandants – la musse Linde e i doi paiassos dal Teatro Ingenuo – dopo di vê traviersât mieç Friûl, zingarant pai trois clapignôs da la campagne, e dopo di vê puartât e vût adiriture un tic di glorie al Mittelfest di Cividât, a rivin plui o mancul trionfants al travuart dai Colonos.
E sarà un’altre serade gloriose cu la partecipazion straordenarie di Moni Ovadia che, compagnât da la ghitare di Emanuele Segre, al learà qualche pagjine di “Platero e io” di Juan Ramòn Jiménez. No mancjaran lis gags iresistibilis di Vanni De Lucia e Ferruccio Cainero, par sierâ cu la premiazion e la consegne dal “Mus d’aur” ai furlans che si son strussiâts par dute une vite cence fâ scjas.

Program Avostanis 1999