Vinars 20 Avost 1999, h 22:00

Di di vuê / Oggigiorno

Inaugurazion da la mostre
Provis di ricercje inta lis arts

Bienâl di art, in colaborazion cun Neo Associazione culturale
Curadôr Paolo Toffolutti

Il progjet, cun scjadince bienâl, al clame adun lis diferentis formis di ricercje inta lis arts visivis e al è atent massime a la produzion creative dai zovins artiscj dal teritori, che a son une risorse irinunciabil di rinovament continuo. Nol è risiervât dome a lôr, ma ancje a chês figuris che a lavorin tal cidin, intentis plui a elaborâ che no a promovi il propri lavôr. Al ven fûr un confront fra gjenerazions che intune tiere imbombade di lidrîs a rifletin problematicamentri sul contemporani – il “dì di vuê” – fasint propis lis contradizions, lis ambiguitâts e la incomprension da la storie. Ogni artist al sarà presint a la manifestazion, par la prime e uniche volte, a dâ cont da la “scandalose fuarce rivoluzionarie dal passât”. La rassegne di chest an e je dedicade al Nûfcent, il teme di Avostanis ’99, e continue la esperience fate doi agns indaûr cu la mostre “Frontieris, viaç al limit da lis arts” dulà che a vevin esponût 30 artiscj da la Regjon.

Program Avostanis 1999