Vinars 16 Fevrâr 2018, h 20:30

1866: une celebrazion incendiarie

E rive l’Italie, il Friûl al tâs

Une rileture storiche da “I fuochi sulle colline” di Luigi Candoni, jenfri polemichis, cuintristoriis e sperimentazions teatrâls

Coment di Paolo Patui

Leturis senichis par cure di Giuliano Bonanni

Al jere il 1966 e ai aministradôrs di Udin ur someave di scugnî organizâ lis celebrazions pal centenari da l’anession a l’Italie. A Luigi Candoni i jere stade afidade la scriture di une pièce ch’e fasès memorie dal aniversari. Sielte periculose, parvie che Candoni nol jere dal sigûr autôr di celebrazions, ma pluitost un polemist sutîl, bogn di cjalâ la storie di ponts di viste difarents e insolits. Cussì al jere stât pal so test “I fuochi sulle colline”, che invecit di laudâ lis gloriis di chê anession cence identitât, al veve marcât i lûcs comuns e i mîts fals da la storie furlane. E jere vignude fûr une polemiche invelegnide, ma cetant interessant. Il test gjavât e boicotât, nol è un capolavôr, ma dal sigûr une raritât platade ch’e merete une riflession coragjose ch’e si lee cui nestris timps.

Program In File 2018