Vinars 09 Març 2018, h 20:30

Missus

Film di Massimo Garlatti Costa

Presentazion par cure dal autôr e di pre Romano Michelot

Mediant di une regjie eficaç, il film al documente lis tantis batais di un grup di predis furlans ustinâts e resistents, ch’a àn testemoneât cun coerence e determinazion, cence cediments o compromès, l’impegn da la glesie locâl a incjarnâ il messaç evangjelic tal humus da l’identitât lenghistiche e culturâl. Ai 28 di Avost dal 1974 cualchidun di lôr a vevin domandât ai lôr vescui di podê dî messe ta la propie lenghe. Dopo tancj agns no je ancjemò rivade di bande da la gjerarchie gleseastiche l’autorizazion a doprâ ta la liturgjie il messâl par furlan. “Missus” al conte la storie e la resistence dai predis di Glesie Furlna e la lôr batae continue par mantignî vive la lenghe di un popul. Une culture milenarie e riscje di sparî tra l’indiference da lis classis dirigjentis e la globalizazion ch’e ven indevant cence padin.

Program In File 2018