Domenie 18 Març 2018, h 16:30

Insumiàn 2018

Cuasi nuie, anzit dut

Personâls di Matteo Attruia e Ludovico Bomben

Par cure di Angelo Bertani

I Colonos a van indevant ta la lôr ricognizion tal cjamp da l’art contemporanie, regjonâl e no regjonâl, parcè ch’a crodin che da cont dal presint tal so procès di determinazion al sedi un dai compits principâi da l’atenzion culturâl. Prin a vegnin lis oparis d’art e podopo al podarà vignî daûr il lôr inseriment storic-critic intun contest determinât: difat il presint al pratint di sei tâl. Ve alore dôs personâls, di doi artiscj da la gnove gjenerazion, Matteo Attruia (Sacîl, 1973) e Ludovico Bomben (Pordenon, 1982): un al scancare la retoriche comunicative fasint in mût ch’e cjapi un sens in aparince paradossâl, chel altri al rivisite cualchi forme simboliche da la storie da l’art par gjavâ fûr l’essince, il concet percetîf. Tai spazis dai Colonos tra i doi si met in pîts sottrace un dialic a distance, dut di scuvierzi, dut di interpretâ. (Angelo Bertani)

Cul sostegn da la

Program In File 2018