Joibe 01 Setembar 2016, h 21:00

Trente metros di sperance

Lant indaûr, par la rote balcaniche dai migrants

Racont di Tommaso Sandri, Alessandro Lillo Sandri e Paolo Tavani

Proiezion video-documentari

Musiche jazz Irie Trio

Mostre multimediâl e interative
(conseabil smartphone e scufutis)

In colaborazion cu l’Associazion culturâl Mentilibere

Dopo di vê vivude une esperience creative e di condivision cuntun grup ch’al domandave asîl, trê zovins di Lignan, a àn decidût di tornâ a fâ indaûr il trat da la vie balcaniche, dal Friûl cun destinazion la Sirie, doprant l’art tant che mieç di interazion. Vie par trê mês a àn fat un viaç di cuatri mil chilometros doprant difarents mieçs di traspuart, rivant fintremai al confin turc-sirian.

Un rodulon di trente metros di cjarte cun penarei (si podarà jodilu in esclusive ta la serade), ur à permetût di jentrâ in conession empatiche cu lis personis incuintradis ta lis tantis tapis dal viaç. Cuant ch’a son tornâts a àn fat un percors di decantazion e di elaborazion, cussì che a àn podût meti in comun cul public par la prime volte un materiâl vîf, ch’al documente lis esperiencis fatis, intune mostre interative. I visitadôrs a podaran alore imedesimâsi intune maniere ative e coinvolzint ta lis sugjestions fuartis che chescj trê zovins a àn provât su la lôr piel.

Program Avostanis 2016