Vinars 05 Avost 2016, h 21:00

Bodanza e Gaetano

Mostre di Gaetano Bodanza, par cure di Angelo Bertani

Tal curtîl un gnûf video dal artist

Moment conviviâl

La mostre e je vierte ta lis seradis di Avostanis,
h 19.00-24.00, fin ai 29 di Avost

Cu la colaborazion da l’associazion culturâl “Venti d’arte”

I artiscj contemporanis no cognossin confins che no sedin chei da la lôr personalitât creative, a son vierts a la internazionalitât par la nature istesse dai lengaçs che si confrontin, la lôr dimension, slungjade ai limits da l’intedeterminatece, e je propit chê di un sisteme che nol perdone. E, dutcâs, i artiscj no puedin mai dineâ, a se stes prin che a chei altris, lis lôr lidrîs: a son nassûts intune tiere, intun puest determinât, intun contest di relazion caraterizantis.

Ancje Gaetano Bodanza al parten a la schirie piçule di chei che a scjavacin cun cussience la foreste da lis formis simbolichis da la contemporaneitât e però a san fevelânus par vie indirete di lôr stes, da lis lôr sperancis come da lis lôr malcuietecis. L’artist in dì di vuê, migrant par sante scugne, si cjate a ogni mût suntune çatare intal mâr da la globalizazion e al spere intune rive: Bodanza al sa che l’insium da l’art al cree mostros e al cîr di dumiesteâju, intun continui cuarp cuintri cuarp mediant dal mont da lis imagjinis
(Angelo Bertani)

Program Avostanis 2016