Joibe 25 Avost 2016, h 21:00

Provis viertis di culture furlane

Cun
Sergio Cecotti – Massimo Garlatti-Costa – Carlo Della Giusta – Fabiano Fantini – Nando Patat – Massimo Somaglino

Idee e presentazion Federico Rossi

Musiche cun
Mirko Cisilino trombe
David Cej armoniche
Martino Isola cuintribas

La carateristiche di chest apontament anuâl, rivât a la tierce edizion, e je chê di ospitâ cualchi progjet in fieri ch’al à un leam cu la lenghe e la culture furlanis, jodudis cuntun voli di prospetive, cun chê di meti in zûc la creativitât e la capacitâ di inovazion.

E je une ocasion pardabon uniche, ch’e cîr di capî cualis ch’a son lis tindincis in vore e lis gnovis prospetivis culturâls ch’a vegnin indevant tal orizont, e di misurâ il pês reâl dal potenziâl di rigjenerazion da l’identitât storiche-culturâl dal Friûl in chest moment storic. Lu provaran la presentazion di cualchi tessare dal mosaic siôr di progjets, ideis, ricercjis e sperimentazions ch’a son cumò daûr a vignî fûr tai ambits espressîfs difarents dal teatri, da la musiche, dal cine, da la produzion leterarie e di altri gjenar.

Program Avostanis 2016