Lunis 29 Avost 2016, h 21:00

Lâ vie di là (Furlans da l’Europe da l’Est)

Proiezion documentari

Progjet Loris Vescovo
Regjie Marco D’Agostini

Angelo Floramo al dialoghe cui autôrs

“Lâ vie di là” al è un documentari torzeon “on the road” ch’al zire tra la Slovachie, Ucraine, Romanie e Ongjarie. Al documente i incuintris e lis contis cjapadis sù intun viaç in machine di sîs mil chilometros, che par strade a son stadis cjapadis sù testemoneancis di emigrants (e dissendents di emigrants) ch’a son partîts dal Friûl dal 1850 al 2009).

Si passe dai dissendents dai pichepieris da la pedemontane in provincie di Pordenon ai boscadôrs, muradôrs e imprendidôrs da la provincie di Udin migrâts a Bucarest e in Transilvanie tra la fin dal Votcent e l’imprin dal Nûfcent, dai comerciants, operaris, managers e imprendidôrs emigrâts in dute l’Europe da l’Est tacant dai agns dal Otante, fintremai ai laureâts di vuê che no rivin a cjatâ spazi in Italie e che si puedin incuadrâ dentri dal fenomen da la cussiclamade “fuide dai çurviei”. Storiis di fameis, esperiencis di lavôr, rapuarts cu la lenghe e la culture di dontri, leams cul Friûl, a son i temis plui di spes tratâts intant da lis intervistis.

Program Avostanis 2016