Martars 06 Setembar 2016, h 21:00

In âgris rimis

Dutis lis poesiis furlanis di Amedeo Giacomini

Presentazion uficiâl dal libri

Intervents Marco Munaro, Stefano Strazzabosco e Silvana Schiavi Fachin

Introduzion Federico Rossi

Leturis Fabiano Fantini, compagnât di Daniele D’Agaro al sax

Video proiezion “Tanche giaiutis” (2004)

Cu la colaborazion da l’Associazion “Il ponte del sale”

“Presentâ dutis lis poesiis furlanis di Amedeo Giacomini, dîs agns dopo da la sô muart e dopo scuasit vincj agns da l’antologjie che lui stes al veve metût sù, al somee vuê no dome util ma ancje necessari: pal valôr dai tescj, dal sigûr, e ancje parcè che salacor e je ore di tornâ a pensâ il so percors poetic cence sierâlu dome tal ambit da la poesie neodialetâl, ma dantji il rodul che i spiete tal contest plui larc dal Secont Nûfcent.

S’al è vêr, difat, che la poesie di Giacomini no pues sei capide fûr dal mont che al à adotât la sô lenghe, e dulà ch’e jere inlidrisade insot (il Friûl contadin da lis “Tieris di Mieç” o “da la Basse”, jenfri il Tamaresc e il Tiliment, intor dal Var), al è ancjetant clâr che il so orizont si met ben di là di chei limits, disvelant un autôr imbombât di leteradure fin dal imprin, bon di spaziâ da la Ete di Mieç a lis avanguardiis, dai Provenzâi a Leopardi, da la Cvetaeva a Jorge Manrique, dai merecans come Pound e Olson, ai francês antîcs come Rutebeuf e Gace Brulé, par nomenâ dome cualchidun.”
(da la introduzion di Stefano Strazzabosco)

Program Avostanis 2016