Domenie 02 Març 2025, h 16:30

Georges Ivanovič Gurdjieff. Orient e Occident

Conference di Francesco Messina

Brindis finâl cul Aperitivo Nonino

Tra la fin dal Votcent e i prins agns dal Nûfcent Gurdjieff al veve passât gran part dai siei dîs viazant da l’Armenie, dulà ch’al jere nassût, viers dut il Medi Orient e l’Orient lant a cirî testemoneancis reâls, ancjemo vivis, di doprâ tant che imprest di evoluzion personâl ancje par l’om contemporani, aromai simpri mancul bogn di cognossi se stes.
Al veve svilupât un sisteme, rispietôs dal cûr antîc di ogni religjon, par podê incuintrâ chê spiritualitât che in cualchi maniere l’Orient al veve conservât miôr, vivint però tal timps istès adimplen dentri tal svilup da la straordinarie evoluzion sientifiche ocidentâl. Se par Rudyard Kipling chei zimui (Orient e Ocident), mai a varessin podût incuintrâsi, il grant architet Frank Lloyd Wright al veve dit che a jerin stâts colegâts tal profont propit di Gurdjieff, che, par trasmeti lis sôs ideis, dal 1924, par tant timp si jere impegnât ancje ta la scriture. In Italie, i siei libris, a jerin stâts tal imprin publicâts di Adelphi e da L’Ottava, la cjase editore metude sù di Franco Battiato cun Henry Thomasson e Francesco Messina.

Program In File 2025