Domenie 09 Fevrâr 2025, h 16:30

Cora Slocomb di Brazzà

Conference di Marisa Sestito e Angelo Floramo
Cjants da la tradizion orâl feminîl cul duo Canti Erranti:
Patrizia Bertoncello vôs e ghitare + Nilla Patrizio vôs

Cora Slocomb (New Orleans 1862 – Rome 1944), fâr da l’emancipazion feminîl, pacifiste, leterade, cultore da l’artigjanât e da l’art, e jere rivade a trasmeti struments di cognossince e di sfrancjament sociâl e di gjenar in Friûl, ufrint a lis feminis preseosis oportunitâts di lavôr; in Americhe, promovint la lôr produzion di merlets, e salvant da la cjadree eletriche une zovine imigrade taliane.
E metarà in lûs la sô figure Marisa Sestito, curadore di “Cora Slocomb di Brazzà, l’ingegn e il coragjo” (Gaspari Editore).
Angelo Floramo al scandaiarà l’emancipazion lente da lis feminis in Friûl tai timps di Cora.
Il duet Canti Erranti al intonarà cjançons popolârs di feminis tal lôr percors di emancipazion.

Program In File 2025