Domenie 23 Fevrâr 2025, h 16:30

Friûl, scune e laboratori par i/lis mestris di doman

Storiis di zovins talents furlans:
Gianluca Ceccato poete – Premi Pilutti 2021
Nicole Coceancig cjantautore – Premi Ciampi 2024
Davide Degano fotograf – Premi Giovane Fotografia Italiana 2023
Alvise Nodale – cjantautôr – Premi Augusto Daolio 2024
Giulia Sassara neolaureade – Premi Pierluigi Di Piazza 2024
In dialic cun Angelo Floramo

I mestris a segnin la strade, a lassin il segn, une olme, un esempli. A son vuidis e ponts di riferiment. Ma i vêrs mestris a san ancje ricognossi i talents, nudrîju, creâ par lis gnovis gjenerazions un teren fertil dulà cressi, sperimentâ, confrontâsi. Sajal e savarâjal il Friûl jessi scune e laboratori di talents? E i fantats e lis fantatis di vuê saràno in câs di jessi i mestris e lis mestris di doman? A sô volte vuidis cun arlêfs e dissepui?
Agnul Floramo al dialogarà cun cinc zovins furlans ch’a son daûr a coltivâ in ambits diferents lis lôr passions e i lôr talents: Gianluca Ceccato, Nicole Coceancig, Davide Degano, Alvise Nodale, Giulia Sassara.

Program In File 2025