Joibe 11 Avost 2016, h 21:00

Dai turcs tal Friûl ai turcs in Europe

Incuintri cun Philippe Daverio

Storic da l’art, scritôr e docent universitari, presentadôr da la storiche trasmission “Passepartout”, lade in onde par dîs agns su Rai 3, Philippe Daverio, al è une da lis figuris plui vivarosis e orgjinâls tal panorame culturâl talian. Dal 2004, come ch’al dîs Wikipedia, al ten ogni an une conference estive li dal Agriturisim Ai Colonos, dulà ch’al jere rivât par la prime volte par presentâ l’opare site specific dal Templi Vegjetâl dal artist Giuliano Mauri.

In chest incuintri public il fîl menadôr da la conversazion di Daverio al cjaparà ispirazion tal teme epocâl, ch’al è tal centri da lis riflessions di Avostanis 2016, da lis sdrumis di profugos e di migrants ch’a stan rivant a niulis in Europe. Chê che vuê e je daûr a rivâ e je dome l’ultime, par ordin di timp, da la lungje cjadene di migrazions ch’a àn segnât il destin dal Vieri Continent vie pai secui, e salacor e je dome l’imprin di un avignî di trasformazions profondis e ireversibilis.

Program Avostanis 2016