Joibe 01 Setembar 2016, h 00:00

Colonos Open Call 2016

Residence artistiche

L’Associazion Culturâl Colonos e à metût fûr il bant par la tierce edizion dal concors Colonos Open Call, cun chê di promovi la ricercje artistiche da la gnove gjenerazion intun confront di esperiencis tra artiscj dal nestri teritori e chei ch’a operin in altris ambits gjeografics e culturâi. I partecipants under 29 a son stâts stiçâts a misurâsi cul titul “L’arte attraversa i confini”, tal contest tematic plui gjenerâl di Avostanis su la realtât dai migrants.

Une comission e à stazât lis oparis in concors e e à sielzût chescj autôrs: Irene Fenara (26 agns, Bologne), Elena Grossi (24 agns, Montecchio Emilie), Nora Gutwenger (27 agns, Viene), Maurangelo Quagliarella (28 agns, Molfete) e Rob Van den Berg (24 agns, Rotterdam). Cumò i zovins artiscj si cjatin li dal Agriturisim Ai Colonos intune residence di cualchi zornade, cuant a varan mût di cognossisi, incuintrâsi, confrontâsi e lavorâ insieme pal alestiment di une mostre coletive.

Program Avostanis 2016