Domenie 28 Zenâr 2018, h 16:30

Amarum et Indecorum. Cent agns di bufulis e di bausiis.

Cuintristorie da la prime vuere mondiâl

Conference di Angelo Floramo

Musichis di Paolo Forte (armoniche)

Une cuintristorie da la Prime Vuere Mondiâl, cuntune ande contrarie e ribel intune maniere ustinade, contade dal pont di viste dai furlans, separâts di un confin ch’al à violentât intun mût crudêl l’identitât e la coesion nazionâl. La serade si presente tant che un flus di cussience, un melolic ispirât di un librut eretic apene publicât da la Clape di culture “Patrie dal Friûl”, dulà che peraulis e musiche si inlacin par contâ l’inutil stragjo di popui ch’a jerin fradis e che, vint cundividût milenis di storie, si son cjatâts a fâs vuere par interès ch’a no jerin i lôr, ma invecit tal non di une storie dai Grancj scrite cul sanc dai Ultins, dai piçui, di chei di sacrificâ. Une invetive metude jù sotvôs cuintri dutis lis retorichis ch’a imbombin di violence lis bandieris e i confenons dai parons.

Program In File 2018