Sabide 03 Setembar 2016, h 21:00

L’art e travierse mil confins

Inaugurazion da la mostre Colonos Open Call

par cure di Michele Bazzana e Angelo Bertani

Oparis di
Irene Fenara – Elena Grossi – Nora Gutwenger – Maurangelo Quagliarella – Rob Van den Berg

Performance musicâl

Moment conviviâl

Une jurie dade dongje dai curadôrs Angelo Bertani, curadôr indipendent, e Michele Bazzana, artist, di Stefano Coletto, curadôr a la Fondazion Bevilacqua la Masa, Giuliana Carbi, presidente di Triestecontemporanea, e di Federico Rossi, president da l’Associazion culturâl Colonos, e à sielzût cinc zovins artiscj jenfri i partecipants al concors Colonos Open Call 2016.

L’ultime fase da la lôr residence li dal Agriturisim Ai Colonos e ven dedicade al alestiment di une mostre coletive cu lis oparis presentadis in concors. In sierade, dut il progjet al vignarà documentât cu la publicazion e la presentazion dal catalic in três lenghis (furlan, talian, inglês), ch’al sarà il numar tredis da la nestre golaine “Insumiàn – Cantîr virt di Arts contemporaniis”.

La mostre e reste vierte ogni vinars sabide e domenie
h 19-23, fin ai 25 di Setembar.

Program Avostanis 2016