Lunis 06 Avost 2001, h 21:00

2001 A space Odyssey / Odissee intal spazi

film di Stanley Kubrick, 1968

Traduzion simultanie par furlan
di Silvana Schiavi Fachin

In colaborazion cu la Didatiche da lis lenghis modernis da l’Universitât dal Friûl

Al è un cont par ledrôs viers il doman, une mape stradâl pal destin uman, une ricercje su l’infinît. Avostanis e propon chest capolavôr dal cine mondiâl ta la version origjinâl inglese voltade par furlan no mediant da la classiche dopleadure taliane o dai sotitui, ma cuntune traduzion in prese direte. Cheste sperimentazion, fate in colaborazion cu la Didatiche da lis lenghis modernis da l’Universitât dal Friûl, e je un valôr zontât a la proiezion di un grant film, che in cheste forme al devente un vêr e propi event.
“Cuant che 2001 al è comparît tai schermis, ta la sierade dal 1968, la peraule ‘epocâl’ no si doprave, anzit forsit no esisteve propit. Ma subite si sin inacuarzûts di jessi denant di un film diferent di ducj chei altris, ch’al varès gambiade la storie dal cine… No dome la fantasience, ma il cine stes a tornavin a cjatâ il grant respîr spazi-temporâl che tai ultins agns a vevin pierdût o lassât di bande in mût intenzionâl”. (CEC)

Program Avostanis 2001