Vinars 26 Març 2010, h 20:30

Vivi achì

DI PAOLO COMUZZI

Proiezion dal video d’art e presentazion dal libri

A intervegnin GIAN PAOLO GRI e il curadôr ANGELO BERTANI

Inaugurazion da la mostre fotografiche di PAOLO COMUZZI
(vierte di vinars e sabide h 19-23 e di domenie h 12-23 fin ai 4 di avrîl)

In colaborazion cul COMUN DI LESTIZE e cu la INT DI VILECJASSE

Mi interessave lavorâ intun cu lis personis, cirint di individuâ, a traviers da lis fotografiis, framents di un vivût reâl, par componi di li indenant une sorte di album coletîf e inedit; une sorte di “speriment di veretât” dulà che ancje imagjins che al somee che no vedin un grant costrut o che a regjistredin robis o atims considerâts di pôc cont, a vegnin sielzudis par la lôr capacitât di contâ une storie cu la esse maiuscule, che si disglagne, come par ducj, soredut midiant di une cuotidianitât fate di moments cun di plui no memorabii. In cheste operazion e jere une piçule forme di provocazion, par vie che ognidun al jere invidât a condividi e confondi lis sôs imagjins lant a cirî lis conessions pussibilis, leantsi ai framents da lis storiis di chei altris, messedant lis cjartis, savoltant lis dimensions dal timp, lant di là da la partignince personâl par cirî “un disen” plui grant, che al rivàs adore di meti in vore un mecanisim di confront sul passât, presint e avignî di une comunitât. Stant che il repertori da lis fotos di famee, ancje considerant lis specificitâts in cont dal lûc, si somee in ogni bande dal planet, salacor a traviers di chês imagjins si veve la oportunitât, tratantsi di un microcosmi dal moment che Vilecjasse al è un paîs di 250 animis, di fâ nassi dentrivie di chei altris un procès di autoidentificazion, e di chê bande di comunicâ cuntune realtât sociâl une vore plui largje.

Ghiringhel

Program In File 2010