Joibe 09 Avost 2001, h 21:00

Sul puint di Braulins

“La vilote. Odissee di un cjant”

Il Friûl plui perfet al è tai cjants dal popul furlan.
(Pier Paolo Pasolini)

Conference-concert (al piano)
dal prof. Gianfranco Plenizio

Esplorazion di chel misteriôs event che e je la formazion di un cjant popolâr, cu lis regulis che a rezin la creativitât dal popul. E salte fûr la grande rêt di intersgambis che ogni folklôr al ative cui popui dongje, cence pierdi lis sôs propis carateristichis di font, tun procès osmotic che al è linfe pa la sô stesse evoluzion continue. L’autôr al fâs justizie di tancj preconcets e al piture un cuadri precîs dai rapuarts jenfri scriture e tradizion orâl.
Gianfranco Plenizio, furlan emigrât a Rome dulà che al vîf e al lavore di 30 ains, al è pianist, compositôr e diretôr di orchestre. Al à colaborât a lis musichis di film cun cineascj tant che Germi, Billy Wilder, Castellani, Rosi, Petri, Monicelli, Comencini, Fellini (al à componudis lis musichis pal film “E la nave va”). Tal 1985 al à ricevût il premi SIAE-Anno Internazionale della Musica.

Program Avostanis 2001