Domenie 08 Fevrâr 2015, h 17:00

Storie di un anarchic iriducibil

La testemoneance di Lucio Urtubia,
intune conversazion cun Danilo De Marco e Federico Rossi

Proiezion dal video “Lucio Urtubia. Il possibile dell’impossibile” di Gabriella Cecotti

Cjants cun Claudia Grimaz, Nicoletta Oscuro, Massimo Somaglino, Benedetto Parisi

Musiche latineamericane cun Andres Izurieta (charango) e Silvio Lopez Estigarribia

Doi incuintris che a provocaran straneament devant da la vite straordenarie di un anarchic basc, eroe anti-franchist, famôs par lis sôs pratichis politichis di espropiazion, clamât da la stampe “un bandît bon” o “l’ultin don Chisiot”, Robin Hood moderni, cuintribandîr, disertôr, militant anarchic, rapinadôr, falsificadôr di documents e di bêçs. Al è rivât a imbroiâ trê miliarts di pesetas a la First National CityBank cence mai deventâ siôr. Tal documentari “Lucio. Anarchico rapinatore falsario ma soprattutto muratore”, fat tal 2009 di José María Goenaga e Aitor Arregi, si varà mût di vualmâ il spirit radicâl e coerent da lis sôs sieltis. Ancjemò plui emozionant al sarà scoltâ la sô storie dal vîf: da la miserie in famee ai viaçs clandestins in Spagne, da la falsificazion dai bêçs al incuintri cul Che, fintremai al arest e ai procès.

Program In File 2015