Vinars 20 Fevrâr 2009, h 20:30

Romanò drom, carovane romanì

Conference – concert

Serade cun SANTINO SPINELLI
Proiezion video

Santino Spinelli, in art Alexian, rom-talianabrucês, dôs laureis, musicist e docent universitari di lenghe e culture romanì, al è musicist e ambassadôr da l’art e da la culture romanì tal mont.

Il viaç dai Rom bande da l’ocident al è tacât uns mil agns indaûr e si è sparniçât lunc vie dai secui tai teritoris jenfri il Mediterani e l’Europe. Gjitans, tzigans, zingars, gypsy, bohemien: a àn vût mil nons e nissune patrie. Perseguitâts di ogni bande dal regjim bolsevic nassût cu la Rivoluzion di Otubar, sterminâts da la matetât naziste (dusinte mil tai lagers). Dispès ancje in dì di vuê vitimis da la (in)culture dal prejudizi e da la emargjinazion, nudride cun ategjaments di refût e di pôre dal diviers, ancje ca di nô. O vin invidât “un di lôr” par che nus conti la storie vere dai Rom, par che nus judi a cognossi miôr il lôr mont e la lôr ricje culture.

Program In File 2009