Vinars 06 Fevrâr 2009, h 20:30

Irkutzk, stazione di Irkutzk!

Par cure di ANGELO FLORAMO ricercjadôr

Ricercje e presentazion di ANGELO FLORAMO e ALBERTO VIDON ricercjadôr

Intervent e leturis di JULYA SUCHKOVA, ricercjadore ta la Universitât di Cheliabinsk (Siberie)

Coment musicâl e dramatizazion dai CARANTAN

Alestiment senografic “BUJE PORE NUJE ” cul contribût dal grop “PLAY STORIA ” dal I.T.C.G. “Giuseppe Marchetti” di Glemone

A la fin da la serade incuintri conviviâl cuntune cerce di Solyanka

Ce fasevino li i furlans sul cricâ dal Nûfcent? Tal glaç dal Unvier, jenfri da lis esalazions da la malarie di Istât, a àn fat sù in condizions impussibilis une da lis feroviis plui imponentis da la storie, destinade a colegâ Moscje cul mâr dal Gjapon. Un pôcs di lôr a son tornâts dongje. Altris a son muarts. Altris ancjemò a vevin sielzût di fermâsi, deventant testemonis di acjadiments straordenaris come la rivoluzion di Otubar dal 1917. In cierts câs si son inlidrisâts e i lôr dissindints a son ancjemò vîfs, cun sanc miscliç furlan-cosac-chirghîs, e cuissà ce altri ancjemò. Protagonistis da la serade a son lis imagjinis, lis vôs, lis lenghis, lis musichis che a componin une storie faturose ma che e rive adore di produsi sorpresis emozionantis.

Solyanka par 4 personis

2 litris di brût
250 gr. di manç
2 luianiis
150 gr. di persut
3 tocs di foncs
Vueli
3 civolis
1 carote
6 ulivis
Mieç limon
2/3 cudumars sot sâl
Savôrs
Pevar
2 sedons di conserve di pomodoro
Anêt
Une fuee di orâr

Meti il manç e i vues tune pignate di aghe frede. Cuant che e bol l’aghe tirâ fûr i tocs di cjar, lavâju ta l’aghe cjalde e tornâ a metiju tune pignate di aghe frede. Cuant che al tache a boli zontâ une civole spelade ma no taiade. Lassâ boli fin che la cjar no je cuete. Cjapâ sù i tocs da la cjar. Taiâju, dutune cul persut, lis luianiis e i foncs, in tocuts di un cm. Dislidiju, po butâju di gnûf tal brût. Il brût al à di sei trasparent, net e fis. Taiâ la civole e dislidile tal vueli fin a indorâle. Zontâ la conserve di pomodoro e lassâ boli par 2/3 minûts. Dislidi ancje lis carotis taçutadis e butâlis tal brût. Zontâ i cudumars salâts dopo che si ju à taiâts a tocuts, lis ulivis, il sâl, il pevar, l’orâr, e lassâ boli par 5/7 minûts. Tal ultin zontâ i savôrs e l’aneto. Taponâ dut di mût che al cjapi savôr. Meti tal plat une fete di limon. In code si pues zontâ ancje un pocje di pane acide.

Program In File 2009