Miercus 12 Avost 2020, h 21:00

Rinassite

Proiezion video-interviste a

Michelangelo Pistoletto

Intervent introdutîf online Paolo Naldini,
diretôr di Cittadellarte – Fondazione Pistoletto

Par cure di
Federico Rossi e Angelo Bertani,
cu la regjie di Paolo Comuzzi

A intervegnin i autôrs

Une tape gnove ta la colaborazion jenfri Cittadellarte – Fondazion Pistoletto e l’associazion culturâl Colonos, che cul so aiût l’an passât e jere stade ospitade tal curtîl la famose Venere degli Stracci, icone vere d’art da la seconde metât dal Nûfcent. Pistoletto al è un dai plui grancj artiscj talians vivints a nivel internazionâl, protagonist di ponte dal moviment da l’Art puare, ch’e doprave materiâi puars (come pieris, tiere, len e refudons industriâi), in polemiche cuntune certe tradizion e in cuintritindince cul tecnologjisim moderni.

Intant di cheste conversazion in video, l’artist, in plui di contâ la sô dolorose esperience personâl dal contagjo dal coronavirus, vivût su la sô piel e par furtune superât dopo di une lungje cure, al svilupe riflessions fondamentâls in cont di une pandemie planetarie che o podarìn vignî fûr dome ricreant un gnûf ecuilibri jenfri l’om e la nature. Une rinassite che l’art e po da une man in maniere significative cjariantsi di responsabilitât sociâl.

Se al plûf: la sere dopo

Program Avostanis 2020