Vinars 08 Setembar 2023, h 18:00

Ricorderò chi sono: Aquileia e il futuro della memoria

San Vît dal Tiliment – Antîc ospedâl di Sante Marie dai Batûts

Conference di Gabriele Pelizzari
Al introdûs Paolo Mosanghini

Inta l’ete dal futûr realizât, dal progrès acelerât, dal presint curt, cjalâ al passât al ven spes calcolât un zûc inutil di curiositât o un esercizi di preservazion caritatevul. Pensant di sei in ritart su ce ch’al è za daûr a sucedi e siguramentri al starà par sei, spindi timp par ricuardâ ce ch’al è stât nus somee un’altre, imperdonabil esitazion ta la scorse dal nestri “potenziâl di novitât”.
Ma dismenteâ cui ch’o sin al ûl dî no podê nancje imagjinâ ce ch’o podaressin e podarìn sei: par chest la memorie no je croniche sierade, ma principi dinamic di vite e di potenziâl, parcè che jê e je funzion dal presint e premesse dal avignî. Ancjemò di plui, la memorie e je ce ch’al reste dal passât dopo che a cualchi sô part al sedi stât dât valôr: la memorie no je determinade dai fats dal passât, ma sielte di cetant, di lui, si ûl ch’e continui a vivi tal presint e di cetant, di lui, al ven riscuviert vivint ta lis vitis di cui ch’al è vîf.
Aquilee al è il perfet paradigme di chest ideâl da la memorie alt, necessari e, tal timp istès, fragjil e bisugnôs di curis: ancje se al custodìs lis resons profondis da l’identitât furlane (e tancj supuescj di chê europeane), la tradizion aquileiese e à bisugne di sei custodide e sei metude tal centri di un progjet futûr dulà che i ven domandât di indicâ l’orizont dal pussibil. E dal miôr. (Gabriele Pellizzari)

Program Avostanis 2023