Joibe 24 Avost 2023, h 21:00

Miserere

Anutis in concert
Cuartet vocâl: Juliana Azevedo, Caterina De Biaggio, Laura Giavon, Alba Nacinovich

Musichis da la tradizion popolâr, di Giovanna Marini e Paola Nicolazzi
Tecniche e foniche Francesco Blasig

☔︎ la sere dopo

“Parcè cjantâ, vuê, un toc sacri, une poesie, une vergogne, un cjant popolâr, cuant che il mont nol cjante plui?” Chest al è ce che si domande il cuartet di vôs Anutis ch’al rispuint a vôs viertis cun trê cuadris musicâi dulà che misticisim e poesie si misclicin cu la sacralitât di monts feminîi. Viers par furlan di Pasolini su musichis di Giovanna Marini, composizions integrâls di Marini, l’artigjane da la musiche e da la peraule, e ancjemò tra i autôrs Belgrado Pedrini e Paola Nicolazzi, in plui cjants da la tradizion orâl sardegnule, laziâl e siciliane. A son il “Miserere di Santu Lussurgiu”, il Stabermater di Blera, il “Gloria di Montedoro” a sierà come intune suaze tai revocs dal popul, il cuadri sacrâl di trê cjantis ch’a scandain il jessi e l’essence. La domande in viertidure il cuarte le à fate a Giovanna Marini, che e à rispuindût: “Chel nol è un repertori pierdût, al è un mont vîf, e ce che lu fâs vîf al è propit la musiche, la fuarce da la musiche. E e je une forme espressive impuartant ch’e riscje di pierdisi, ma fintant che nô le cjantìn, chê e je vive. L’impuartant al è che si mantegni vive la linfe, ch’e je il contat che la persone e à cun ce ch’e sta cjantant”.

Program Avostanis 2023