Domenie 08 Setembar 2013, h 09:00

A brene vierte

Gare artistiche par 6 scuadris

A partecipin Michele Bazzana, Chris Gilmour, Peter Mignozzi, Elisabetta Novello, Carlo Vidoni, Alessandro Zorzi

H 9,00 – Comunicazion dal teme ispiradôr
H 18,00 – Presentazion dai lavôrs cun Katia Toso e Angelo Bertani + premiazion popolâr

Si pues jentrâ a fâ part da la scuadre dai artiscj.

Iscrizion gratuite vie email opûr li dai Colonos intant dai apontaments di Avostanis

Insumiàn / Cantîr di arts contemporaniis

Un grup di artiscj al à acetât l’invît di metisi in zûc cul lôr estri creatîf, ma ancje cun spirt lucit e capacitât relazionâl. E je une gare cun sîs scuadris, dadis dongje ognidune di un artist cun altris doi colaboradôrs volontaris. A lis nûf di buinore al ven dât il teme dulà ispirâsi par fâ, dentri di nûf oris, une opare-instalazion. A puedin doprâ dome il grum di materiâl di scart metût a disposizion tal curtîl (robe di materiâl difarent, struturis di len, plastiche o fier vecjo, carton e v.i.), doprant sieis, trapans, martiei, pinzis …

A lis 18.00, presentazion dai lavôrs e consegne dal premi cetant golosât (un salam), assegnât dal public.

Program Avostanis 2013