Domenie 02 Setembar 2001, h 08:00

Odissee

Leture integrâl e plurilengâl cence interuzion

Direzion artistiche di Massimo Somaglino

La leture integrâl da la Odissee e vignarà trasmetude in direte su radio Spazio 103 “TW vie internet” www.luxa.it

Dopo dibot tre mil ains Ulisse al rive ai Colonos. Pa l’ocasion dal diesim aniversari di Avostanis o vin pensât di fâ la leture integrâl e continuative dai passe 12 mil viers da la inomenade opare di Omêr. Atôrs professioniscj, insieme a une sessantine di personis che in chescj agns a àn partecipât a la vite dai Colonos, si daràn la volte cul sisteme da la stafete, par une durade proviodude di 13 oris, scomençant da lis 8 di buinore, par dâ vôs al lunc viaç di Odisseu, metafore da la condizion esistenziâl dal om contemporani. E rivocarà in chest lûc da la culture furlane une da lis plui impuartantis oparis da la leteradure mondiâl, che e vignarâ contade in diviersis lenghis: par furlan (ta la traduzion dal originâl curade di Alessandro Carrozzo e Pierluigi Visintin), talian, grec, sloven, todesc, inglês e arabo.

h 21.00
Fieste pai 10 ains di Avostanis
FLK in concert

Program Avostanis 2001