Joibe 23 Avost 2001, h 20:30

Cjant pai tiei deits

Prime assolude

l’amôr al è cuant che i miei deits
a tocjâti a deventin
la ponte dai tiei

Cjantadis di e cun Claudia Grimaz e Enza Pagliara
Tescj e partecipazion di Pierlugi Cappello
Collaborazion artistiche di Anna Romano

Progetto Colonos

Ta la propueste che Claudia Grimaz e Enza Pagliara a puartin a “Avostanis”, lis lirichis di Pierluigi Cappello si incrosin cu la ricercje che lis dôs artistis a stan svilupant di agns in ca tai teritoris da la musiche popolâr, cuntun voli di riguart a la dimension teatrâl dal fâ musiche. Claudia Grimaz e à lavorât cun Giovanna Marini e in diviers spetacui teatrâi (I turcs tal Friul, Caterina e il Mamaluc, Bigatis). Ancje Enza Pagliara, cantante da la tradizion popolâr Salentine, e à lavorât cun Giovanna Marini e in teatri cun Elio de Capitani (Coefore).
Pierluigi Cappello, un dai plui valents poetis furlans dal dì di vuê, al scrîf ta la propie lenghemari e par talian. Al centro da la sô riflession poetiche e je la poesie, l’analisi dal rapuart fra autôr e scriture e la condizion umane.

Program Avostanis 2001