Domenie 26 Zenâr 2020, h 16:30

Di blesteme e di cjant

Cosmologjis furlanis ta lis sclapaduris dal timp

Angelo Floramo, cun Martina Delpiccolo

Al cjante Lino Straulino

Brindis Nonino

Dal popul da lis tumbaris, che i muarts ju samenave e no ju soterave, ai Celts depuartâts a Iulium Carnicum dai Romans, da lis comunitâts paleocristianis di Aquilee, ebraichis e africanis, ai siums dai eretics da l’Ete di Mieç: un percors cuintricorint che di scjas in scjas al tirarà fûr figuris di feminis e di oms cetant opositîfs. E vignarà fûr la grandece dal popul furlan tai moments cuant ch’al à savût meti lidrîs dentri lis sôs sclapaduris, cu la braure di un sium policrom cuintri da la omologazion grise. Il viaç al evocarà passaçs impuartants dulà che fâsi popul al vûl dî ualmâ il sens da la comunitât, intune acezion inclusive e osmotiche, buine di dâ acet a la difarence tant che risorse di unicitât e no come un pericul di fâi cuintri. Une lûs particolâr e esemplificative e vignarà impiade su la figure straordenarie di Bruna Sibille-Sizia, une femine furlane ch’e à savût disegnâ la sô liende umane e culturâl preferint simpri a la uniformitât dal trop la libertât solitarie dal grifon.

Program In File 2020