Vinars 12 Fevrâr 2010, h 20:30

Tal segn di Gjone, a Aquilee

Intervents di REMO CACITTI e ANGELO FLORAMO

Introduzion di ANGELO VIANELLO

Proiezion di imagjins e leturis par cure di TULLIA DE CECCO

Jù par la lungje gnot da la glesie di Aquilee, come che i plaseve definîle Gilberto Pressacco, dilunc vie dai trois da la cristianitât antighe e medievâl a vagolarin i dius antîcs, traviersant i milenis, mudantsi tai mîts e tai rituâi che a sorevivin, mudâts, ancjemò in dì di vuê, dant dongje un mosaic di straordenarie complessitât e ricjece, che al individue ta la pluralitât la lidrîs profonde da lis nestris gjernaziis. Lis tieris dal Patriarcjât, che a jerin centri ideâl dal mont cognossût in chê volte e crosere da lis stradis che a davin dongje il Baltic, l’Adriatic e il Mâr Neri, a jerin stadis buinis di cjatâ fûr di gnûf i segnâi e i simbui dal sacri, di Alessandrie di Egjit fintramai a la lontane Sizie, da lis cuestis da lis isulis iperboreis fin a lis stepis dal mont slâf.

In colaborazion cu l’associazion culturâl Gilberto Pressacco

Program In File 2010