Joibe 22 Avost 2019, h 21:00

Diari di un plevan di paîs

Cun Fabrizio Gatti e Ludovico Rustico

Leturis Gianni Nistri

Cjants Grup corâl feminîl Polivoice
direzût di Barbara Di Bert

Al introdûs Federico Rossi

In colaborazion cu l’Associazion culturâl Ad Undecimum

Don Annibale Zoratti, nassût a Vilecjasse tal 1878 di une famee cetant puare, tal 1921 al jere deventât plevan di Malisane, un paîs piçul da la Basse furlane infestât da la malarie.

Da lis pagjinis dal so diari, publicât par cure di Ludovico Rustico cu l’introduzion di Fabrizio Gatti, al ven fûr un om sensibil e lotadôr, cuntune fuarce morâl rare, simpri in prime linie par denunciâ i soprûs e il sfrutament dai parons, par difindi fin insom la sô int, che lis sôs condizions di povertât a son descritis in pagjinis intensis e comovintis. Al vignarà di un continuo ricatât dai propietaris da lis tieris, ma no si plearà par mai: “Jo o larai indevant cu la mê vore il plui pussibil pazient e il mancul pussibil silenziose”. Se il lavôr di Bernanos si siere cun chel “dut al è Gracie”, tal diari di don Nibil al è grandonon il dolôr par l’injustizie e par la tribulazion bibliche ch’a patissin lis creaturis di Diu.

Al jere muart a Malisane ai 15 di Mai dal 1932, al veve dome 54 agns, e al è soterât tal cimiteri di Vilecjasse.

Program Avostanis 2019