Vinars 30 Avost 2019, h 21:00

FromEast forEst

Incuintri-performance

par cure di Claudio Moretti

Protagonist un grup di zovins imigrâts

Traduzion simultanie di Sekandari Mohammad Akbar

In colaborazion cun ARLeF, Area Nuovi Cittadini di Codess FVG, CSS Teatro stabile del Friuli-Venezia Giulia

Il curtîl dai Colonos si jemplarà di peraulis e di contis ta lis lenghis difarentis di zovins imigrâts afgans e pakistans: pashtu, dari, urdu. Claudio Moret nus judarà a capî cemût ch’a son rivâts in cheste tiere di contadins tra soe e pudiesis, cun cualis sperancis si son metûts in marce, cui e ce che àn lassât a cjase, cemût ch’a vivin lis zornadis lontans da la famee, dai afiets e amiciziis, cuâi i lôr siums, ce ch’a san e ce ch’a pensin da la tiere che ju ospite.

La serade-event, che il so esit finâl al è viert, e je promovude da l’ARLeF ta la suaze dal progjet Eumint, coordenât dal ent di ricercje Eurac Research di Bolzan pal infuartiment da la cooperazion transfrontaliere fra Italie e Austrie, cu la promozion di percors di integrazion civiche e lavorative tal teritori furlan. In colaborazion cu la Area Nuovi Cittadini di Codess FVG a son stadis metudis in vore cetantis azions a pro da l’integrazion di chei ch’a domandin asîl e i rifugjâts ospits tal Friûl di Mieç, e fra chestis une schirie di incuintris su citadinance ative, culture furlane e dal teritori.

Program Avostanis 2019